Kaso ng dengue sa QC, muling umakyat

MANILA, Philippines - Tumaas ng 7.5 percent o katumbas ng 8,742 ang kaso ng dengue ang naitala ng Quezon City Health Department simula Enero ng taong ito hanggang  ngayong ikatlong linggo ng Nobyembre sa lungsod.

Ayon kay  Dra. Antonieta Inumerable, hepe ng QC health department, mas mataas ang bilang ng mga tinamaan ng dengue ngayon kung ikukumpara sa kaparehong period ng 2011 na umabot lamang sa 8,162 cases.

Gayunman,sinabi ni Inumerable na mas  mababa naman ang bilang ng namatay mula Enero hanggang November, 2012  na umabot lamang sa 45 kung ikukumpara sa kaparehong period ng 2011 na umaabot sa 58 katao ang nasawi.

Anya, karamihan sa mga biktima ay ang mga naninirahan sa depressed  area, gilid ng sapa, ilog at creek na sakop ng district 2 sa lungsod.