MANILA, Philippines - Patay ang isang 15-anyos na binatilyo nang mabundol at magulungan ng truck habang nagbibisekleta sa Valenzuela City kahapon ng umaga.
Nasawi sanhi ng matinding pinsala sa ulo si Razzel Dizon, ng San Agustine Village, Brgy. Mapulang Lupa ng nabanggit na lungsod.
Pinaghahanap naman ang driver ng truck (WBC-603) na mabilis na tumakas matapos ang insidente.
Sa pagsisiyasat ng Valenzuela City Police, Traffic Bureau, naganap ang insidente dakong alas-9:00 ng umaga sa Apolinaria St., ng nabanggit na lungsod.
Nagbibisekleta ang biktima hanggang sa mag-overtake ito sa truck. Paglagpas ng binatilyo ay na-cut ang truck na hindi na nakaiwas na mabangga at magulungan ang biktima na naging dahilan ng agaran nitong kamatayan.