Cop killer arestado

MANILA, Philippines - Makaraan ang anim na taong pagtatago, na­aresto na rin ng Pasay City Police kamakalawa ng gabi ang itinuturong bumaril at nakapatay sa isang pulis nang bumalik ito sa kanyang dating tirahan sa pag-aakalang malamig na sa kanya ang alagad ng batas.

Nakilala ang nada­kip na si Allan Pagsu­yuin, 35, pedicab driver at naninirahan sa Bo. Ba­yanihan, ng naturang lungsod.

Nabatid sa rekord ng pulisya na kabilang sa Top 10 most wanted sa Pasay City si Pagsu­yuin makaraang ituro na siyang nakabaril at na­kapatay sa isang PO2 Ala­­bado, miyembro ng Pasay Police noong 2006.

Sa ulat ng Pasay police, isang impormante na nakakaalam sa kaso ang lumapit sa kanila at ipinagbigay-alam ang pagbalik sa kanilang lugar ng suspek na si Pagsuyuin.

Agad namang kumi­los ang mga pulis at ina­resto ang suspek dakong alas-10:30 ng gabi sa bisa ng warrant of arrest sa kasong “robbery with homicide” na inilabas ng Pasay Regional Trial Court branch 116.

Nakaditine ngayon si Pagsuyuin sa Pasay de­tention cell upang ha­rapin ang krimen na ibi­nabato sa kanya ukol sa pagkamatay ng nabanggit na pulis.