Bisor utas sa ambush

MANILA,Philippines - Pinagbabaril at napatay nang hindi pa nakilalang salarin ang 33-anyos na supervisor kahapon ng madaling-araw sa Tondo, Maynila.

Sa imbestigasyon, kinilala ang biktima na si Alvin Dallo, supervisor/lineman ng Manila North Harbor at residente ng Sta Mesa, Maynila.

Nabatid na bandang alas-2:30 ng madaling-araw habang naglalaro ng video karera si Dallo sa loob ng 981 Kagitingan St. sa Tondo nang dumating ang hindi nakilalang suspect at agad na pinagbabaril ang biktima.

Nagtamo ng apat na tama ng bala sa iba’t ibang bahagi ng katawan si Dallo na naging sanhi ng kanyang pagkamatay. Hindi pa tukoy ng pulisya ang motibo sa naturang krimen.