MANILA, Philippines - Sumakabilang buhay na si Malabon City Mayor Tito Oreta kahapon dahil sa sakit na cancer sa baga.
Dakong alas-10:00 ng umaga nang bawian ng buhay si Oreta sa St. Luke’s Medical Center sa gulang na 73-anyos
Nabatid na ilang taon ding nakipaglaban sa cancer sa baga ang nabanggit na alkalde, kung saan ilang beses na ring umugong ang mga maling balita na ito ay pumanaw na.
Ngunit kahapon ay kinumpirma ng mga kaanak nito at ng buong pamunuan ng Malabon City Hall Office lalo na ng Office of the Mayor na pumanaw na ang alkalde matapos ang ilang buwang pagkaratay sa nabanggit na ospital. Habang ito ay nasa pagamutan ay panasamantalang nag-acting mayor ang pamangkin nitong si Vice Mayor Lenlen Oreta.
Napag-alaman, na si Oreta rin ang naging dahilan upang magkasundo ang mga magkakalaban sa pulitika sa nabanggit na lungsod kung saan dalawang sunod na walang lumaban dito.