Manila, Philippines - Upang mapadali at mapabuti ang pagsasagawa ng imbestigasyon sa mga krimen, ipamamahagi ngayon ng Manila Police District (MPD) ang mug shot kits sa iba’t ibang police station.
Ayon kay Sr. Supt. Ronald Estilles, Chief Directorial Staff ng MPD, ang paglalagay ng mug shot kit sa bawat police station ng MPD ay kauna-unahan sa Pilipinas at sa Philippine National Police (PNP).
Sa pamumuno ni MPD director, Chief Supt. Alex Gutierrez, mas magiging epektibo at madali ang pagkuha ng detalye sa mga suspect.
Ani Estilles, mas magiging magaan at madali rin para sa mga imbestigador ang pagkakaroon ng mug shot kit kung saan magbibigay pa ng mataas na moralidad sa mga investigation division ng MPD.
Nagkakahalaga ang bawat mug shot kit ng P10,000.