MANILA, Philippines - Patay ang isang barangay tanod matapos itong pagbabarilin ng hindi pa nakikilalang suspek kahapon ng madaling-araw sa Malabon City.
Nakilala ang biktima na si Arnold Lacbayo, 34, ng Brgy. Tinejeros ng nasabing lungsod.
Ayon sa ulat, dakong ala-1:00 ng madaling-araw naganap ang insidente sa Bignay Road, Brgy. Potrero, habang sakay ang biktima sa barangay patrol tricycle nang biglang sumulpot mula sa likuran ang suspek at pinagbabaril ito saka mabilis na tumakas. Blangko pa ang pulisya sa motibo sa isinagawang krimen.