4 buwang buntis patay, anak sugatan sa lasing

MANILA, Philippines - Patay ang isang ginang na apat na buwang bun­­tis habang sugatan naman ang 4-anyos na anak nitong babae makaraang pagsasaksakin ng lasing­ na kanilang kalugar, ka­hapon ng ma­­daling-araw sa Valen­ zuela City.

Nakilala ang nasawi na si Rachelle De Guzman, 24, residente ng Candido Compound, Brgy. Ugong, ng natu­rang lungsod.  Isinugod naman sa Valenzuela General Hospital ang anak nitong si Jennylyn, na nagtamo rin ng saksak sa katawan.

Agad namang na­ aresto ng mga rumes­po­ndeng barangay ta­nod ang suspect na si Robert Cedansa, 31, residente rin ng natu­rang lugar.

Sa inisyal na ulat ng Valenzuela City Police, dakong alas-4 ng madaling-araw nang pasukin ni Cedansa ang mag-inang De Guzman habang wala ang mister ng biktima na si Ronnie na nagtatrabaho sa palengke bilang matadero.

Posibleng tinangkang gahasain ng suspect si Rachelle na nan­laban sanhi upang pagsasaksakin ito ng suspect. Idinamay rin nito ang paslit na anak ni Rachelle na nagising at nag-iiyak.

Narekober naman bu­hat sa suspek ang pa­talim na ginamit sa krimen at duguang bo­xer shorts nito.

Ayon kay Ronnie, ma­tagal na umanong may gusto sa kanyang misis ang suspect kaya’t lagi naman niyang pi­na­paalalahanan at pi­nag-iingat ang asawa kapag wala siya sa bahay. 

Hinihinala namang nasa impluwensya ng alak o iligal na droga ang suspect nang gawin ang krimen.