MANILA, Philippines - Hindi na nakautang, kinursunada pa at napatay ang isang construction worker na dumayo pa sa bahay ng kanilang kontratista sa Tondo, Maynila, kamakalawa ng gabi.
Kinilala ang biktimang si Ronald Echavaria, nasa 30-35 anyos, at umano’y residente ng Parola Compound, sa Tondo na natagpuang nakabulagta at may tama ng 3 bala sa katawan sa Road 10, Vitas, Tondo.
Sa inisyal na ulat ni PO2 Ronald Gallo ng Manila Police District-Homicide Section, dakong alas -7:00 ng gabi, nang makarinig ang mga residente ng magkakasunod na putok ng baril sa pagitan ng Building 20 at Building 24 sa Temporary Housing, sa Road 10 Vitas, Tondo.
Dumayo lamang umano ang biktima sa bahay ng kontratistang si Nestor Murillo para mangutang ng pera, dahil isa ang una sa karpintero nito.
Nabigo itong makautang at pauwi na nang makursunadahan ng hindi pa nakikilalang mga suspect at pagbabarilin.
Blangko pa ang pulisya sa motibo at pagkilanlan ng salarin.