Kelot binutasan ng bala sa ulo

MANILA, Philippines - Butas ang ulo ng isang lalaki nang barilin ng hindi pa nakikilala salarin habang nakaupo malapit sa kanyang bahay noong Lunes ng gabi sa Baseco Compound, Port Area.

Kinilala ang biktima na si Badrudin Tato, 22, helper, ng Sultan Kudarat, at nakatira sa Block 1, Dubai Extension Baseco Compound, Port Area, Manila. Hindi naman nakilala ang suspect na armado ng hindi nabatid na kalibre ng baril na mabilis na tumakas matapos ang isinagawang krimen.

Sinabi ni  Lumbad  na naganap ang insidente alas-9:45 ng gabi sa kahabaan ng Dubai Extension malapit sa Alley Block 1, Baseco Compound Port Area, Maynila habang naka­upo ang biktima nang dumating ang suspect na naka-bonnet at binaril ang biktima sa ulo na agad na ikinamatay nito. Blangko pa ang pulisya sa motibo sa pagpaslang.