MANILA, Philippines - Isang abogada na nakatalaga sa tanggapan ng Office of the Ombudsman ang nabiktima ng mga kawatan na ‘Akyat bahay gang’ sa Marikina City kahapon ng umaga.
Ang biktima ay kinilalang si Atty. Myla Teona Teologio, ng Mountain View Subd., Brgy. Sta. Elena sa lungsod.
Apat na hindi pa nakikilalang mga miyembro ng ‘Akyat bahay gang’ ang sinasabing pumasok sa bahay ng abogada at tinangay ang malaking halaga ng pera, alahas, laptop at iba pang importanteng kagamitan na sinasabing aabot sa milyong halaga.
Sa imbestigasyon ng pulisya, lumilitaw na naganap ang insidente ganap na alas-8:00 ng umaga nang pumasok ang abogada sa kanyang opisina at lumabas naman ang ina nito noong pasukin ang bahay at doon tinangay ng mga suspek ang lahat ng kanilang mapapakinabangan.