MANILA, Philippines - Natangayan ng kanyang pinapasadang taxi ang isang driver mismo na kanyang naging pasahero sa lungsod Quezon kahapon ng madaling-araw.
Ang biktima ay kinilalang si Max Monsali, 53, ng Rodman St., Brgy. Batasan Hills sa lungsod.
Nakuha kay Monsali ang pinapasada nitong Reno Taxi (TXP-880) matapos magdeklara ng holdap ang suspect sa may Giraffe St., Brgy. Ugong Norte sa lungsod.
Nabatid na sumakay sa taxi ng biktima sa may Kamias Extension at nagpahatid sa may Green Meadows Subdivision, ganap na alas-3 ng madaling-araw.
Pagsapit sa nasabing lugar, agad na naglabas ng baril ang pasahero at nagdeklara ng holdap. Agad na pinababa pa ng suspect ang biktima, bago tinangay ang taxi nito patungo sa hindi mabatid na direksyon.