MANILA, Philippines - Patay ang isang 30-anyos na barker matapos na pag sasaksakin ng dalawang hindi pa nakikilalang lalaki kamakalawa ng gabi sa Tondo , Maynila.
Saksak sa iba’t ibang bahagi ng katawan ang natamo ni Nesty Decena, ng Delpan St., Tondo, Maynila.
Dakong alas-8:15 ng gabi nang maganap ang insidente sa MICT Access Road, Gate 18 Parola, Tondo Maynila habang papunta umano ang biktima sa pinagsanlaan ng kanyang kuwintas para tubusin ito.
Laking gulat na lamang ng mga residente ng tumatakbo ito palabas ng Gate 54 habang hinabahol ng dalawang suspect at nang ma abutan ay walang sabi-sabing pinagsasaksak sa likurang bahagi ng katawan ang biktima.
Patuloy naman ang imbestigasyon ng pulisya hinggil sa tunay na motibo sa pag paslang sa biktima at sa pagkakakilanlan ng mga suspect.