Salvage victim natagpuan

MANILA, Philippines - Isang lalaki na pinaniniwalaang biktima ng summary execution ang natagpuang nakatali ang dalawang kamay at may tuwalya ang bibig sa gilid ng isang palaisdaan kahapon ng umaga sa Malabon City. Tinatayang nasa edad 25-30 ang biktima,  nakasuot ng pink polo shirt, itim na walking shorts at may tattoo na Sputnik sa kaliwang hita. Sa inisyal na report ng Malabon City Police, dakong alas-5:00  nang matagpuan  ng mga barangay tanod  ang bangkay ng biktima sa gilid ng fishpond sa Merville Sub­divsion, Brgy. Dampalit ng nabanggit na  lungsod. Lumalabas na may tama ng bala sa ulo ang biktima habang nakatali ang mga kamay at may busal na tuwalya ang bibig. Nagsasagawa na nang imbestigasyon ang mga pulis hinggil sa nasabing insidente.