MANILA, Philippines - Hindi na pinatawad ng tatlong holdaper ang isang 55-anyos na lola matapos holdapin kahapon ng hapon sa Malabon City.
Ayon kay Melody Villagonzalo, ala-1:48 ng hapon, katabi niyang nakaupo ang apo sa labas ng kanilang bahay sa Don Basilio Bautista St., Brgy. Hulong Duhat ng nabanggit na lungsod, nang hintuhan ito ng mga suspect sakay ng tatlong motorsiklo na hindi na nakuha ang plaka.
Tinutukan ng baril ang biktima bago kinuha ng mga suspect ang gintong hikaw, tatlong bracelet at apat na singsing na aabot sa halagang P100,000.
Matapos ang insidente ay tumakas ang mga suspect habang nagpunta naman sa presinto ang biktima kung saan nag-iimbestiga na ang mga pulis.