Sanggol nahulog sa kama, patay

MANILA, Philippines - Namatay matapos na mahulog sa kama ang isang anim na buwang gulang na sanggol habang natutulog kasama ang kan­yang nanay sa lungsod Quezon kamakalawa ng gabi.

Ayon kay PO2 Jogene Hernandez, may-hawak ng kaso, nagawa pang itak­bo ni Rolando de Vera ang anak na si Jasmin sa Sta. Te­resita Hospital, pero idi­neklara din itong patay ng mga doktor ganap na alas- 9:45 ng gabi.

Sinasabing natuklasan ang pagkahulog ng sanggol nang bumalik ng bahay si Rolando, matapos bu­mili ng diaper ganap na alas-8 ng gabi.

Bago umano lumabas si Rolando ng bahay para bumili ng diaper ay iniwan nito ang mag-ina na natutulog sa kama na may taas na tatlong pulgada.

Pinalalagay na hindi umano alam ng nanay na ang kanyang anak ay gumulong paibaba dahil sa kahimbingan ng pagtulog o maaring aksidente niya itong naitulak habang natutulog.

Patuloy ang pagsisiyasat ng pulisya sa nasa­bing insidente.