Special permit ng mga bus larga ngayon

MANILA, Philippines - Epektibo mula nga­yong Abril 1 ang special permit ng mga pam­pasaherong bus sa Metro Manila para makapasada sa mga lalawigan sa Semana Santa.

Ayon kay Atty. Manuel Iway, boardmember ng Land Transportation Franchising and Regulatory Board (LTFRB) ang special permit na naipagkaloob ng ahensiya ngayong Semana Santa ay magta­tapos hanggang Abril 9 hanggang sa pag-uwi ng mga pamilyang babalik sa Metro Manila mula sa pagbabakasyon sa mga probinsiya.

Aabot sa 800 pampasaherong bus ang napagkalooban ng special permit kung saan mas mataas kaysa noong 2011.

Bukod sa pagkakaloob ng special permit, palagian anyang iikutin­ ng mga tauhan ng LTFRB­ ang mga bus terminal upang matiyak na hindi kolorum ang mga papasadang sa­sakyan sa Semana Santa.