Namamasyal tinodas ng 2 addict

MANILA, Philippines - Patay ang  isang 23-anyos na lalaki nang  pagtripan at pagtulungang saksakin ng dalawang hindi nakikilalang addict habang namamasyal kasama ang kanyang kaibigan kamakalawa ng gabi sa Baseco Compound Port Area, Maynila.

Hindi na naisalba pa ng mga doktor sa Gat. Andres Boni­facio Medical Memorial  Center ang biktimang si  Pastel Garcia, ng Bagong Lupa, Port Area, Maynila dahil sa dami ng saksak sa katawan.

Ayon sa imbestigasyon, naganap ang insidente dakong alas-6:30 ng gabi sa may seashore ng Baseco Compound Port Area, Maynila.

Nabatid na kasamang nama­masyal ng biktima ang ka­ibigang si Jude Letada ng su­mulpot ang dalawang suspect na may takip sa mukha.

Kaagad umano silang inatake kung saan nagawa ni Le­tada na makatakbo habang nakor­ner naman ang biktima ng mga suspect.