3-anyos utas sa sunog

MANILA, Philippines - Isang 3-anyos na batang babae ang nasawi matapos makasamang matupok sa sunog makaraang maiwang natutulog sa ikalawang palapag ng kanilang bahay, kamakalawa sa Malabon City.

Kinilala ang nasawing biktima na si Yuchi Nokubo, ng Sitio 6, Brgy. Catmon ng nabanggit na lungsod.

Samantala, nadamay din ang may 20 kabahayan sa naganap na sunog.

Lumalabas sa inisyal na pagsisiyasat ng Malabon City Fire Department, dakong alas-4:00 ng hapon nang magliyab ang bahay ng pamilya Nokubo dahil sa faulty electrical wiring.

Mabilis na kumalat ang apoy at hindi na naisalba ang biktima na natutulog sa ikalawang palapag ng kanilang bahay. Dakong alas-5:45 ng hapon nang maapula ang sunog.