MANILA, Philippines - Palaisipan sa mga awtoridad ang natagpuang putol na kanang paa ng isang lalaki na sa isang drainage sa gilid ng main entrance ng Manila North Ce metery, sa Sta. Cruz, Maynila, kamakalawa ng hapon.
Batay sa ulat ni PO2 Crispino Ocampo, ng Manila Police District-Homicide Section, dakong alas-5 ng hapon nang nakita ang putol na paa ng ilang flower vendor at ipinagbigay-alam kay Edwin Bacolco ng City Security Force.
Bagama’t kinumpirma ni Ocampo na paa ng isang lalaki ang natagpuan, wala naman umano silang impormasyon kung may insidente ng ‘chop-chop’ sa lungsod.
Posible din uma nong sa ibang lugar naganap ang insidente subalit itinapon lamang sa Maynila upang iligaw ang imbestigasyon ng pulisya.
Magsasagawa pa ng imbestigasyon upang maresolba ang kaso ng putol na paa ng tao habang inilagak sa isang punerarya ang nasabing paa.