Drug pusher patay sa buy bust

MANILA, Philippines - Utas ang isang hindi pa nakikilalang drug pusher ha­bang nakatakas naman ang isa pa matapos ang isinagawang buy bust operation kahapon ng madaling-araw sa Sta. Cruz, Maynila.

Dead on the spot ang suspect na inilarawan ni Manila Police District-Police Station 3 Station commander Supt.James Afalla, na nasa edad na 30-40, may taas 5’6-5’8, maitim. Nagtamo ito ng tama ng bala sa katawan, habang nakatakas naman ang isa pa nitong kasama.

Naganap umano ang insidente dakong ala-1;30 ng madaling-araw sa may panulukan ng Severino St. at Claro M. Recto, Sta.Cruz, Maynila.

Ayon kay Afalla, nabulilyaso ang buy bust operation ng makita ng isa sa dalawang suspect na may dalang baril ang pulis na nagpanggap na poseur buyer.

Kaagad umanong bumunot ng baril ang mga suspect na noon ay nakasakay sa isang kulay silver na Toyota Vios (ZSI-186) dahilan para gumanti ang mga tauhan ni Afalla.

Narekober sa nasawing suspect ang isang .38 kalibre at dalawang sachet ng shabu.

Patuloy naman ang isinasagawang imbestigasyon ng pulisya.