MANILA, Philippines - Hinihinalang nanlaban kaya sinaksak sa dibdib at binaril sa katawan ang isang 28-anyos na lalaki nang holdapin ng isang grupo ng kalalakihan, sa Tondo, Maynila, kahapon ng madaling-araw.
Nalaglag pa sa sinasakyang motorsiklo ang duguang si Ryan Bautista, nang barilin ng di pa mga kilalang salarin dakong alas-2:30 ng madaling-araw sa panulukan ng Bonifacio at JP Rizal Sts.
Nagsisigaw ang biktima na narinig ng mga residente kaya sinaklolohan at sinundo ang kapatid nito na siyang nagdala sa kaniya sa Tondo Medical Center subalit hindi na umabot ng buhay, ayon sa ulat. Patuloy pang inimbestigahan ang kaso.