2 bus na naman, nagbanggaan

MANILA, Philippines - Nagdulot ng masikip na daloy ng trapiko ang pagsasal­pukan naman ng dalawang pampasaherong bus na ikinasugat ng lima katao sa Makati City kahapon ng umaga.

Sa inisyal report ng MMDA, nabatid na dakong alas-7:00 ng umaga nang mabangga ng Lucena bus (KVA 766) ang likurang bahagi ng Newman Goldliner bus (TXG 359).

Naganap ang banggaan sa northbound lane ng EDSA bahagi ng Orense St, Makati.

Pawang mga minor injuries lamang ang tinamong sugat ng mga pasahero kabilang ang driver ng Lucena bus at hindi na nagpadala sa pagamutan. Gayunman matinding trapik naman ang idinulot nito.