1-anyos pisak sa pick-up

MANILA, Philippines - Pisak ang ulo ng isang-taong gulang na bata matapos magulungan ng isang pick-up kahapon ng umaga sa Caloocan City.

Patay na nang idating sa Manila Central University (MCU) Hospital ang biktimang si James Santos, ng Brgy. 78 ng nasabing lungsod.

Sumuko naman sa mga awtoridad ang driver ng Isuzu pick-up (XTD-336) na si Efren Ontog, 38.

Dakong alas-7:20 ng umaga naganap ang insidente, habang binabagtas ni Ontog ang kahabaan ng Pio St., nang hindi nito napansin ang biktima na gumagapang sa gilid ng kalsada.

Nagulat na lamang ito nang may nagulungan ang kaliwang gulong ng kanyang sasakyan at nang tingnan nito ay bumulaga sa kanya ang biktima na pisak ang ulo. Agad na dinala ang biktima sa naturang pagamutan subalit hindi na rin ito umabot ng buhay habang sumuko naman ang suspek sa mga awtoridad.