MANILA, Philippines - Patay ang isang 63-anyos na lolo makaraang saksakin ng security guard na kanyang kapitbahay matapos na mapikon ang una sa biro ng huli na umano’y may sunog, kamakalawa ng gabi sa Malabon City.
Nakilala ang nasawi na si Carlito Lampera, karpintero, ng Block 4, Damata St., Letre, Brgy.Tonsuya ng nasabing lungsod.
Tinutugis naman ng pulisya ang suspek na si Jojo Jaylo, ng nabanggit ding lugar.
Sa ulat ng pulisya, dakong alas-9:00 ng gabi ng maganap ang insidente nang kumatok pa ang suspek sa bahay ng biktima para lamang sabihin at lokohin ang matanda na may nagaganap na sunog.
Halos nataranta umano ang biktima hanggang sa mabatid nitong walang sunog at niloloko lamang siya ng kapitbahay na sekyu.
Dito na nagalit ang matanda hanggang sa humantong sa pakikipagtalo sa suspect.
Sa kainitan ng komprontasyon ay biglang bumunot ng patalim ang sekyu at inundayan ng saksak ang biktima.