AFP official 'tinalo' ng holdaper

MANILA, Philippines - Tinutukan habang kumakain ng lugaw, hinubaran ng suot na gintong kwintas at bracelet at saka kinuha ang P25-libo cash at kalibre .45 baril ng isang major ng AFP ng lima katao na sakay ng tatlong motorsiklo sa Sampaloc, Maynila, kahapon ng umaga.

Sa reklamong inihain sa Manila Police District-s tation 4 ng biktimang si AFP Major Joel Bucao, 43, ng Sampaloc, Maynila dakong alas-10:30 ng umaga ng maganap ang insidente habang kumakain siya ng lugaw, malapit lamang sa kanyang bahay nang tutukan siya ng mga suspect at kunin ang kanyang mga alahas, pera at baril.

Dalawa ang riding in tandem, habang isa ang solo sa motorsiklo na nagpaputok pa sa ere ng dalawang ulit bago tuluyang humarurot papatakas.