MANILA, Philippines - Arestado ang isang 46-anyos na mister nang halayin nito ang isang dalagang may diperensiya sa pag-iisip kamakalawa ng gabi sa Caloocan City.
Kinilala ang suspect na si Ferdinand Serrano, 46, nakatira sa Bisig ng Kabataan ng nabanggit na lungsod.
Samantala, ang biktima naman ay itinago sa pangalang Barbara, 37, ng Masagana St., ng naturang siyudad.
Sa report ng pulisya, naganap ang insidente dakong alas-10:30 ng gabi sa Primas Motel, na matatagpuan sa kahabaan ng McArthur Highway ng nabanggit na lungsod.
Nabatid, na habang nakatayo ang biktima malapit sa bahay nito ay lumapit dito ang suspect at yayain ito sa nabanggit na motel.
Dahil may diperensiya sa pag-iisip ang biktima, sumama naman ito sa suspect.
Nang maisagawa na umano ng suspect ang panghahalay sa biktima ay inuwi na nito ang biktima sa bahay.
Ngunit nang tanungin ng mga magulang ang biktima kung saan ito nanggaling, naikuwento nito ang ginawa sa kanya ng suspect.
Mabilis na inireklamo ang suspect sa mga awtoridad na naging dahilan ng pagkakadakip dito.