Radio equipment vs krimen

MANILA, Philippines - Upang mas maging epek­tibo ang monitoring ng mga opisyal, tinanggap ni Manila Mayor Alfredo S. Lim mula sa ilang mga barangay chairman ang donasyong radio equipments.

Kasabay nito, agad na ibinigay ni Lim sa executive director ng Manila Disaster Risk Reduction and Ma­nagement Council na si city administrator Jay Marzan at barangay bureau director Atty. Annalyn Buan, ang mga radio equipments mula kina chairwoman Thelma Lim at chairmen na sina Fe­li­ciano Ayroso, Narciso Tan, Rudy Medina, Anthony Gonzalo, Richard Gaw at John Que.

Nabatid na hiniling ni Mar­zan ang radio equipments para magamit ng MDRRMC sa monitoring at response operations sa panahon ng sakuna at emer­gency.

Ayon kay Lim, malaking­ tulong ang mga radio equipments na ibinigay ng mga barangay executives dahil mas magiging madali ang komunikasyon at pagbibigay ng tulong lalo na sa panahon ng kalamidad.

Idinagdag pa ni Lim na hindi matatawaran ang ipinakitang volunteerism ng mga ba­rangay executives para sa kapakanan ng mga Manilenyo.