Symbolic key ng Maynila para sa Ambassador of Goodwill

MANILA, Philippines - Binigyan ng symbolic key ni Manila Mayor Alfredo S. Lim ang foreign investor  na si Bernard Burch, Swiss Ambassador of Goodwill, na magtatayo ng pinakamataas na condominium sa nasabing lungsod.  

Ayon kay Mayor Lim, mayroong programa ang lungsod kung saan hinihikayat ang mga foreign investor na mamuhunan at magnegosyo sa lungsod ng Maynila. 

 “Natutuwa ako dahil mayroong mga foreign national na nagtitiwala at naniniwala na magtayo ng negosyo sa Maynila,” dagdag pa ni Mayor Lim. 

Ang Burch Tower ay 52-storey archetype condominium building na matatagpuan sa Malate.

Sinabi ni Lim na bihira lamang ang pagkakataon na isang foreign investor na tulad ni Burch ay nagtayo ng gusali sa lungsod.

Kabilang sa mga sumaksi ay sina Chief of Staff and Media Bureau Chief Ricardo “Ric” De Guzman, Mirobeni Property Holdings, Inc. President Ramon Yabut, Exec. Vice President, Engr. George Malig, Jr, AVP Sales and Marketing Julie Villareal at Lito Villareal.