Binata utas sa boga

MANILA, Philippines - Isang binata ang nasawi matapos harangin at pagbabarilin ng tatlong hindi pa nakikilalang mga suspek habang ang una ay naglalakad sa Navotas City kahapon ng madaling-araw.

Dead-on-arrival sa Navotas Lying-in Clinic sanhi ng mga tama ng bala sa katawan si Arnold Cruz, 41, ng Pat. De Asis St., Brgy. San Roque ng nabanggit na lungsod.

Nagsasagawa pa ng follow-up ang Navotas City Police laban sa hindi pa nakikilalang mga suspek.

Naganap ang insidente dakong ala-1:45 ng madaling-araw habang naglalakad ang biktima malapit sa kanyang bahay nang biglang sumulpot ang mga suspek at walang sabi-sabing pinagbabaril ito. Inaalam na ng mga pulis ang motibo sa nasa­bing pama­maril.