Ama tinarakan ng anak

MANILA, Philippines - Sugatan ang isang ama ng tahanan nang saksakin ito ng kanyang sariling anak matapos magtalo ang dalawa dahil lamang sa hindi naisauling mo­nitor ng computer kamakalawa sa Malabon City.

Ginagamot sa Pagamutang Lungsod ng Malabon si Marcelino Diaz, 62, ng Bagong Lote, Brgy. Potrero ng nabanggit na lungsod. Pinaghahanap naman ng pulisya ang suspek na si Marlon, 30, nakatira sa nabanggit na lugar.

Naganap ang insidente dakong alas-3 ng hapon nang magpunta ang suspek sa bahay ng ama kung saan tinanong ang biktima kung bakit hindi pa isinosoli ang pag-a­aring monitor ng computer.

Nagkainitan ang mag-ama hanggang sa kumuha ng patalim si Marlon at sinaksak ang biktima.

Matapos ang insidente ay tumakas ang suspek habang nagpagamot ng sugat ang biktima bago nagpunta sa presinto at nagreklamo laban sa anak.