Pasilidad ng Dimple Star bubusisiin ng LTFRB

MANILA, Philippines - Bubusisiin ng Land Transportation Franchising Regulatory Board (LTFRB) ang mga pasilidad ng Dimple Star Bus company na ang isang unit ay lumipad sa Skyway na nagsanhi sa pagkamatay ng tatlong katao at pag­kasugat ng apat na iba pa kamakalawa sa Parañaque City.

Ayon kay LTFRB chairman Nelson Laluces na bukod dito ipapatupad din ang isang buwang suspension na igina­wad ng ahensiya laban sa naturang kumpanya.

“Ngayong umaga ise-serve ang suspension order, preventive suspension for 30 days” pahayag ni Laluces.

Itinakda naman ni Laluces na isasailalim sa pagdinig sa Agosto 4 ang tungkol dito upang mapakinggan ang panig ng may-ari ng bus company at maipaliwanag kung bakit hindi dapat kanselahin ang franchise nito dahil sa naganap na insidente.