Helper iniwan ng ka-live-in, nagbigti

MANILA, Philippines - Patay ang isang 22-anyos na helper na nagbigti sa loob ng tinutuluyang container quarter matapos hiwalayan ng live-in partner sa Binondo, Maynila, kamakalawa ng gabi.

Kinilala ni Insp., Armand Macaraeg ang biktimang si Julius Angco, namamasukan bilang helper sa Rd’s Venture Repair Ser­vices, sa Muelle de Industria, San Nicolas, Binondo.

Sinabi ng security guard na si Juanito Magarro, nagpahiwatig na umano ang bik­­ tima na magpapakamatay nang sambitin nito na “Eto na ang huling kita mo sa akin” bago ito nakitang nakabitin, gamit ang nylon cord, dakong alas-7:45 ng gabi, kamakalawa sa loob ng tinutuluyan nilang container house, ng nasabing kompanya.

Nakipag-inuman pa ang biktima sa ilang kaibigan at naikuwento pa nito ang bigat ng loob dahil iniwan siya ng kinakasama.

Natuklasan lamang ng mga kasamahan sa trabaho na wala ng buhay si Angco nang sunduin nila ito.