Klase sa QC, suspendido sa Lunes - DepEd

MANILA, Philippines - Inihayag kahapon ng pamunuan ng Department of Education (DepEd) na walang pasok ang mga pribado at pam­publikong paaralan mula sa kindergarten, elementarya at high school sa Quezon City sa araw ng Lunes.

Ang suspension ng klase ay inanunsiyo ni Dr. Corazon C. Rubio, Officer-In-Charge ng School Division Superin­tendent ng DepEd kaugnay sa isasagawang State of the Nation Address­ (SONA) ng Pangulong Noynoy Aquino.

Ayon kay Dr. Rubio, upang hindi masayang ang hindi pagpasok ng mga estudyante sa Lunes ay magkakaroon naman ng pasok o ‘make-up classes’ sa susunod na araw ng Sabado.

Sinabi naman ni Kenneth Tirado, chief ng Public In­formation Office (PIO) ng DepEd, layunin nilang hindi ma­apektuhan ang mga batang mag-aaral sa kanilang pagpasok sa paaralan kaya sinuspinde nila ang klase dahil sa ina­asahang magdudulot ng sobrang sikip ng daloy ng trapiko sa mga pangunahing kalsada sa lungsod, kasabay ng SONA ng Pangulo dahil na rin sa mga kilos-protesta na isasagawa ng mga militanteng grupo.