Ex-barangay chairman nilikida

MANILA, Philippines - Patay ang isang da­ting barangay chairman makaraang pagbabarilin habang nasa pilahan ng pamasadang tricycle sa Binondo, Maynila, kahapon ng madaling-araw.

Nakilala ang nasawi na si Ronald Acampano, 46, kasa­lukuyang liason officer­ ng NBG Marine Trading and Services at part-time tricycle driver, at residente ng Baseco Compound, Port Area, Maynila. Dati itong Punong Barangay ng Brgy. 656 Zone 69.

Mabilis namang tumakas ang hindi pa nakikilalang salarin matapos ang isinagawang krimen.

Sa ulat ng pulisya, da­kong alas-12:20 ng mada­ling-araw nang ma­ganap ang insidente sa panulukan ng C.M. Recto Avenue at Tabora St., sa Binondo sa pila ng mga tricycle sa nabanggit na lugar.

Matapos ang pama­maril sa biktima na­isugod pa ito sa pagamu­tan su­balit hindi na rin umabot pang buhay.