MANILA, Philippines - Tadtad ng saksak sa katawan nang matagpuan ang bangkay ng isang binatilyo na itinapon sa kalsada ng hindi pa nakikilalang mga salarin sa Caloocan City kahapon ng madaling-araw. Inilarawan ang biktima na nasa edad 13 hanggang 15, naka-t-shirt at maong na shorts. Ayon sa saksing si Joy Yton, 22, dakong ala-1:45 ng madaling-araw ay nasa loob siya ng kanilang bahay sa Bagong Silang ng nabanggit na lungsod nang marinig niya ang mga kalabog sa labas ng bahay. Nang alamin ni Yton ay doon niya nakita ang nakahandusay na bangkay ng binatilyo na agad niyang inireport sa pulisya. Patuloy pa rin ang isinasagawang imbestigasyon ukol dito.