Manila, Philippines - Pisak ang bungo at kumalat pa ang utak at dugo sa kalsada ng isang 36 anyos na lalaki nang mahagip at magulungan ng 10-wheeler truck kahapon ng umaga sa Quirino Highway, Novaliches, Quezon City.
Kinilala ni Chief Inspector Virgilio Ramirez, hepe ng Traffic Sector 2 , ang biktimang si Cerilo Batoto, ng Phase 4, Package 3, Blk. 9, Lot 70, Bagong Silang Caloocan City.
Kusang-loob namang sumuko ang driver ng trak (RFV-485) na si Remedio Correa, 53, ng #18 Doña Ana, Caloocan City.
Sa imbestigasyon ni PO3 Ferdinand Paglinawan, dakong alas-11 ng umaga naganap ang sakuna sa kahabaan ng Quirino Ave, Novaliches, habang galing sa Mindanao Ave. ang nasabing truck at binabaybay ang Quirino Ave. nang bigla na lamang nahagip at nagulungan ang minamanehong bisikleta ni Batoto.