Binata tinarakan ng bayaw

MANILA, Philippines - Sugatan ang isang lalaki ma­tapos na saksakin ng kanyang bayaw dahil lamang umano sa pagmamalasakit sa kanyang isang taong gulang na pamang­kin sa Pasig City, Huwebes ng gabi. Kinilala ang biktima na si Alvin Baldovino, 23, ng Morning Valley, Nagpa­yong, Brgy. Pi­nagbuhatan, Pasig City. Si Bal­dovino ay ka­salukuyang nila­lapatan ng lunas sa Pasig City General Hospital bunsod ng tinamong saksak sa kaliwang tagiliran. Tinutugis naman ng pulisya ang tumakas na suspek na si Manny Macunli, 40, na residente rin ng Morning Valley. Naganap ang insidente dakong alas-7:30 ng gabi nitong Huwebes nang ma­kita umano ng biktima na pinahihiga ng kanyang bayaw sa semento ang umano’y isang taon gulang nitong anak, na pa­mangkin din ng biktima. Sina­sabing posib­leng minasama ng suspek ang ginawa ng bik­timang pagmamalasakit sa bata kaya’t nagkaroon ng mainitang pagta­talo sa pagitan ng mga ito, na na­uwi sa pananaksak.