Salvage victim natagpuan

MANILA, Philippines - Isang pinaniniwalaang biktima ng summary execution ang natagpuan sa tapat ng isang unibersidad sa Sampaloc, Maynila, kahapon ng umaga.

Inilarawan ni  Insp. Armand Macaraeg, hepe ng Manila Police District-Homicide Section ang biktima sa edad na 30 hanggang 35, may taas na 5’4’’, nakasuot ng light blue t-shirt at gray na short pants.

Sa ulat ng pulisya, dakong alas-5 ng madaling-araw nang mapuna ng isang ginang ang nakahandusay na biktima sa tabi ng basurahan sa Lerma St. sa tapat ng Far Eastern University (FEU).

Hinala ng pulisya na posibleng biktima ito ng salvage kung saan may nakitang hiwa sa kanyang leeg.

Dinala ang bangkay ng biktima sa St. Yvan Funeral para sa awtopsiya at safekeeping.