Obrero hulog sa 2nd floor ng mall, dedo

MANILA, Philippines - Patay ang isang karpintero makaraang aksidenteng mahulog sa ikalawang palapag ng ginagawang mall sa lungsod Quezon kahapon.

Kinilala ni PO2 Hermogenes Capili ng Criminal In­vestigation and Detection Unit ng Quezon City Police, ang biktimang si Noel Bulawan, 41, may-asawa ng 419 Algeciras St., Sampaloc, Maynila.

Ayon kay Capili, ang biktima ay nahulog mula sa ika­lawang palapag ng City Walk 2 mall na mata­tagpuan sa Eastwood St., Brgy. Bagumbayan ganap na alas-7:30 ng umaga. Sinabi ni Enrico Daria, ka­­samahan ng biktima, kasalukuyan silang nagku­kum^­puni ng kisame nang aksidenteng bumagsak ang tinutuntu­ngan nitong scaffolding at kasamang bumulusok ng biktima.

Nagawa pang maitakbo ni Daria at ilang kasamahan ang biktima sa Quezon City Memorial Medical Center ngunit idineklara rin itong patay.