Fetus nakuha sa Caloocan

MANILA, Philippines - Isang pitong buwang  fetus  na naman ang natagpuan habang nakalagay  sa kahon ng sapatos at  isinilid sa plastic bag sa Caloocan City kahapon ng umaga. Sa report ng Caloocan City Police, dakong alas-7 ng umaga­ nang matagpuan ang lalaking fetus sa kahabaan ng Main Road, Phase 2, Package 2, Barangay 176, Bagong Silang ng nasabing lungsod.

Nabatid na  isang nagngangalang Aida Corales, kagawad ng Barangay 176 ang nag-report sa pulisya hinggil sa insidente.

Pinaniniwalaang  biktima ng abortion ang fetus. May teyorya din ang pulisya,  na residente rin ng naturang lugar ang may kagagawan ng naturang krimen.