Casino supervisor kritikal sa saksak

MANILA, Philippines –  Nasa malubhang kalagayan ang isang casino supervisor makaraang saksakin ng hindi nakikilalang suspect sa Pasay City kahapon ng madaling-araw.

Ginagamot ngayon sa San Juan de Dios Hospital ang biktimang si Agnes Navarro.

Ayon sa ulat ng pulisya, dakong ala-1:40 ng mada­ling-araw nang maganap ang insidente sa may Villa­mor Airbase habang ang bik­tima ay pauwi na sa kanilang bahay nang harangin ng suspect. Walang sabi-sabi umanong inundayan ng saksak ng suspect ang bik­tima at saka iniwan.

Isang Ms. Anino naman ang nagdala sa biktima sa pagamutan.

Patuloy ang isinasagawang imbestigasyon ng pulisya ukol dito.