MANILA, Philippines - Nabulabog ang mga taong nagdarasal sa isang simbahan nang matagpuan ang isang fetus na nakabalot sa isang plastic container at iniwan sa bakuran nito sa Caloocan City kahapon ng umaga. Dakong alas-9:50 ng umaga nang matagpuan ang fetus sa bakuran ng San Roque Parish Church na nasa kahabaan ng A. Mabini St. ng nasabing lungsod. Kasalukuyan umanong naglilinis ang ilang kawani sa bakuran ng simbahan nang mapansin ng mga ito ang isang plastic container na may masangsang na amoy at nilalangaw na nang tingnan ay doon tumambad ang fetus.