MANILA, Philippines - Armado ng matataas na kalibre ng baril ang may 12-ka lalakihan na nanloob at tumangay ng tinatayang P530,000 halaga ng cash, Rolex watch at 3 mamahalin na cellphones sa nilooban nilang isang auto shop sa Sta. Cruz, Maynila kamakalawa ng hapon.
Sa reklamong idinulog ng biktimang si Joseph Ibasco, 56, may-ari ng Wheels Diesel Parts and Auto Supply sa #1038 Buenavidez st., Sta. Cruz, Manila sa pulisya armado umano ng Uzi, machine gun at kalibre .45 ang may 12 kalalakihan nang pumasok sa kaniyang tindahan dakong alas-6 ng gabi kamakalawa.
Anim na pares na riding in tandem o sakay sa 6 na motorsiklo ang 12 suspect nang sumalakay kung saan ang ilan sa kanila ay nagsilbing look-outs sa labas ng tindahan habang ang mga armado ng matataas na kalibre ng baril ang siyang pumasok sa loob at nilimas ang cash at mahahalaga nilang kagamitan saka mabilis na nagsitakas.