Obrero patay sa kuryente

MANILA, Philippines - Patay ang isang 40-anyos na obrero nang aksidenteng madikit sa   live wire ng isang welding machine sa loob ng cons­truction site, sa Binondo, Maynila.

Nakilala ang nasawi na si Javier Buena, ng AM Builder at residente ng Juan Luna St., Pritil, Tondo. Dakong alas-9 ng umaga nang maganap ang insidente sa gina­gawang construction site ng City Place Mall sa Reina Regiente St., Binondo, Manila.

Tinatanggal ng bik­tima ang mga plywood na pinagpakuan sa mezza­nine ng ika-8 palapag ng ginagawang building nang mahawakan nito ang linya ng kuryente mula sa nakasaksak na welding machine dahilan upang mangisay.

Sinaklolohan ito ng mga kasamahan at isi­nu­god sa ospital subalit idineklarang dead-on- arrival.