50 sentimos na rollback sa petrolyo, ipinatupad

MANILA, Philippines - Makaraang magtaas ng P1.75 kada litro, nag­pa­tupad kahapon ng katiting na P.50 kada litro ng pet­ rolyo ang mga dambu­ha­lang kompanya ng langis.

Nanguna ang Filipinas Shell ng pagbaba sa ha­laga ng premium, un­leaded, diesel at kerosene ng P.50 kada litro dakong alas-12:01 ng hatinggabi. Nagbaba rin ang kom­panya ng P.25 kada litro ng regular na gasolina.

Dakong alas-6 naman ng umaga nang magbaba ng kahalintulad na halaga sa parehong mga produkto ang Petron Corp., Chevron Corp. at SeaOil Philip­pines.

Ikinatwiran nina Toby Nebrida ng Chevron at Mitch Cruz ng Shell na si­nasalamin lamang ng pag­baba ng halaga ng produk­tong petrolyo ang galaw ng presyo ng krudo sa inter­nasyunal na merkado.

Matatandaan na nag­patupad ng pagtaas ng P1.25 kada litro ang mga kompanya ng langis no­ ong Oktubre 12 na sinun­dan ng panibagong P.50 kada litro nitong Oktubre 19.