14 Petcs nanganganib ipasara ng LTO

MANILA, Philippines - Nanganganib na ma­ipa­sara ang operasyon ng may 14 na private emis­sion testing center (Petcs) sa bansa matapos mapa­tu­nayan ng Land Transpor­tation Office-ETC Ad Hoc Adjudication Committee na lumabag ito sa batas alin­sunod sa Clean Air Act ng pamahalaan tulad ng pag­sasagawa ng non-ap­ pearance testing o di pag­dadala sa LTO ng sasak­yan para maipasuri ang usok ng tambutso bago ma­irehistro sa ahensiya.

Nagpalabas si LTO Chief Virginia Torres ng show-cause order laban sa mga pasaway na Petcs para magpaliwanag ang mga ito sa loob ng 3 work­ing days kung bakit hindi sila maaaring maipasara makaraang mahuli na nag­sasagawa ng non-com­pliance at non-ap­pearance testing sa mga irerehistrong sasakyan.

Ang 14 Petcs na nakita umanong lumabag sa emis­sion testing program ng pamahalaan ay ang Net Emission Testing Center McArthur Highway Malinta, Valenzuela City; W. RED Emission Testing Center, Real 1 Bacoor, Cavite; Orange Emission Testing Cen­ter Guagua, Pam­panga; Good Morning Emis­­sion Testing Center Meycauayan, Bulacan; H.R.Eco Clear Emission Testing Center Sta. Maria, Bu­lacan; Fernandino’s Emission Testing Center Cainta, Rizal; EP Emission Testing Center Legaspi City, Albay; Environguard Technologies Corp. Gui­guinto, Bulacan; De Jesus Emission Testing Center Bacoor, Cavite; Bearcat Reyes Emission Testing Center, Pequeña, Naga City; ASI Emission Testing Center Sta. Mesa Heights, QC; Ama Smoke Test Center Sto. Niño, Marikina City; A.M. Pacleb Enter­prises Inc. San Roque, Ma­rikina City; A.M. Pacleb Enterprises Inc. San Elena, Marikina City.

“We are giving them due process, ganun naman tayo, magpaliwanag sila at pag hindi tayo kumbinsido sa paliwanag nila, ipasa­sara natin ’yan mga yan,” pahayag ni Torres.

Sinuportahan naman ng Private Emission Test­ing Center Operators Assn. (PETCOA) ang kam­pan­yang ito ni Torres. Pa­tunay anya na kaya pang ma­lutas ang mga katiwa­lian at pa­gandahin ang pro­grama ng PETC kung ang pamu­nuan ay may political will lamang.