Kandila iniwasan, 2 rider patay

MANILA, Philippines - Patay ang dalawang lalaki makaraang sumalpok sa poste ang sinasakyan nilang motor­siklo nang   iwasan ang nakatirik na kandila sa lugar na doon din may naging biktima ng hit and run sa Navotas City kama­kalawa ng gabi.

Dead-on-the-spot si Roscel Maghukot, habang dead-on- arrival sa Tondo Medical Center ang hindi pa nakikilalang ang­kas nito. Sa imbestigasyon ng pu­lisya, nabatid na alas-7:30 ng gabi, binabagtas ng mga bik­tima sakay ng Lucky Star (6795-NE) ang kahabaan ng Ho­norio Lopez Blvd., Brgy. San Ra­­fael, Navotas, kung saan iniwasan ni Mag­hukot ang nakatirik na kan­dila sa kalsada, sa pag-iwas ay na­walan ito ng kontrol hang­gang sa sumalpok sa isang poste.

Sa lakas ng pagkabangga ay tumilapon ang mga biktima na naging dahilan ng kanilang ka­matayan. Nabatid na isang hindi pa nakikilalang lalaki ang nag­tirik ng kandila matapos na may naunang nasawi na rin sa lugar na sinasabing biktima ng hit-and-run.