Lolo itinumba sa inuman

MANILA, Philippines - Binaril at napatay ang isang 67-anyos na lolo ng dala­wang lalaking magka-angkas sa isang motorsiklo   habang ang una ay nakikipag-inuman sa ilan nitong kapit­bahay kamakalawa sa Caloocan City. Dead-on-arrival sa Bernar­dino Hospital sanhi ng mga tama ng bala sa katawan ang biktimang si Margarito Comedero, nakatira sa Kings­town, Bagumbong ng lungsod na ito. Samantala, nagsasa­gawa pa ng follow-up operation ang mga pulis laban sa dalawang hindi pa nakikilalang mga suspek. Naganap ang insidente dakong alas-6 ng gabi malapit sa bahay ng biktima sa nabang­git na lugar. Nabatid na naki­kipag-inuman ang bik­tima sa ilang kapitbahay nito, nang sumul­pot ang mga sus­pek sakay ng isang motorsiklo (PL-2119). Agad na pina­ulanan ng bala ng gunman ang biktima bago tumakas. Ina­alam na ng mga pulis ang motibo ng nasabing krimen.