Mga batang bingot, napangiti ni Joy B.

MANILA, Philippines - Umaabot sa mahigit 30 kabataang bingut ang nabiyayaan ng proyektong JOYful smile ni Quezon City Vice Mayor Joy Belmonte sa tulong ng Philippine Band Of Mercy at Division of City Schools sa Quezon City.

Ang proyekto ay naipatupad makaraang lumagda sa isang memorandum of understanding si Vice Mayor Belmonte, President and Trustee Jesus Perez Cardenas ng PBM at Dr. Corazon Rubio ng Division of City Schools sa layuning maibsan ang mga kabataang bingut at mabigyan ng pagkakataon sa maayos na pagsisimula ng kanilang buhay

Sa kasunduang ito pagtutulungan ng tanggapan ni Vice Mayor Belmonte at QC Schools na kumilala, mag- screen at magdetermina ng mga pasyente na sasailalim sa programa at saka eendorso sa PBM para sa libreng operasyon.

Ang PBM compound sa East Avenue sa Quezon City ay bukas tuwing Martes hanggang Biyernes mula alas -8 ng umaga hanggang alas- 4 ng hapon para sa libreng gamutan.